تعالوا شيلوا معنا من الذهب.. صاحب محل ديكورات يكشف قيمة الأرباح المُحققة من التجارة
كشف صاحب محل ديكورات في المملكة العربية السعودية عن أهمية العمل في التجارة في السعودية وقيمة المكاسب التي يحققها التاجر المبتدئ.
حيث قال خلال مقطع فيديو نشره على حسابه على تطبيق تيك توك: "أنا أستغرب من السعودي اللي يقول ما فيني أجيب فلوس، ولا جالس يدور وظيفة ولا جالس يضحك على نفسه ويطقطق على نفسه في أوبر ولا كريم".
إقرأ ايضاً:عروض الوعلان على سيارات هيونداي كاش وتقسيط بسعر الكاشبماذا تتميز المملكة العربية السعودية عن بلدان العالم.. شهرة المملكة
وأكمل: "التجارة في السوق السعودي تطلع لك ذهب واللي يقول غير كذا أحط أصبعي في عينه، واللي يقولك ما في شغل قول له ليش جالس".
وتابع: "أقل أرباح لأي تاجر مبتدئ في السعودية من 20 ل 30 ألف، واللي ما يحقق أرباح فاشل، شاف شارع كله كوفيهات راح فتح كوفي، أنا أتكلم عن التاجر المتفرغ اللي نزل السوق شهر أو شهرين وعرف الخبايا والأسرار وفتح محل واهتم بالجودة والتسويق".
ثم تابع: "السعودية فيها فلوس تطير العقل، المخالف هنا في السعودية وهو تحت الضغط وخائف يحقق أرباح كثيرة، فما بالك لما السعودي ينزل السوق، لكن مشكلتنا نستشير الناس الخطأ ونفتح بدون ما ننزل السوق شهر أو شهرين وما نتفرغ للشغل، وإذا اهتمينا بالشغل يكون يوم أو يومين وبعدها نسلم الشغل لمقيم".
واختتم: "نصيحة يا شباب تعالوا شيلوا معنا من ذهب التجارة".